Huchiin, Jesu a gingta judate kiangah, Ka thu a na om gige uleh, ka nungjuite na hi taktak ding uh;
Johan 8:31
Toupa itna lamdang mahmah ziakin a tapa tang neihsun, Jesu Khrist, Khros ah I khelhnate apan hon hondam dingin ahon sawl a. Jesu hotdamna nasep gingta a sangte din Pathian tate hihtheihna piak in I omta hi.
Khristian ihih nungin, Jesu Khrist nungzuitu ihi masapen hi. Nungzui kichi thil tuamtuam genna ahi thei a. Siamsinten a heutute uh thuhilhte a zuih sek mah bang un, en le Jesu hon thuhilhte kisin a izuih zel ding ahi.
Jesu nungzuiten athu bang zel a niteng hinkhua zat zel I sawm ding ahi. Jesun nungzui taktak chiamtehna a agen chu, Pathian thu ah om gige te ahi uhi.
Khovel khualzinna ah Laisianthou hi I khawnvak ding, mial laka lampi hon tanvak tu ding ahi. Huaikia hilou in Pathian thu ahing in, thil ahihthei a, namsau hiamtuah toh ana ki teh hial hi. Khrist sepaih ihihna ah, Setan douna galvan poimoh penpen te laka khat Laisiangthou ahi. Jesu nangawn in khem a a om lai in Laisiangthou zangin Setan ana zou chih thei gige ni.
Johan in ‘Ka tate thutakah a om uh chih ka jak kana kipahna thupi jaw himhim ka neikei hi.’ ana chi a, Samuel in, ‘...kithoihna sangin thuman a hoihjaw a, belamtal thau sangin a thu zuih a hoihjaw hi.’ ana chih bang in Laisianthou a kigelh te niteng in simin zui thei le, ei adingin ahoih dia, Pathian kipahna leh vualzawlna tuntu ahi ding hi.
No comments:
Post a Comment